Britaniya nevroloqları hər hansı səbəbdən diş müalicəsi qorxusu olan pasiyentlər üçün etibarlı sakitləşdirici üsul kəşf ediblər. NuCalm cihazı beyinin elektro stimullaşdırılması ilə bu effekti əldə edir. NuCalm beyinə sakitləşdirici tezliklər ötürən sensor və xüsusi səs dalqaları törədən qulaqlıqdan ibarətdir. Ayrıca tünd eynək və qıda əlavəsi kimi istifadə olunan xüsusi GABA (Gamma-Aminobutyric Acid) və L-Theanine (çay bitkisindən əldə edilir) maddələri qəbul etmək tələb olunur. Bunlar da rahatladıcı effekti gücləndirir.
İstehsalçı iddia edir ki, NuCalm cihazının 5 dəqiqəlik istifadə edilməsiylə beyində dərin istirahət, meditasiya və yuxu hallarında ortaya çıxan elektro-maqnetik dalqalanma halı əmələ gəlir və beləcə pasiyentin tam sakitləşməsi təmin olunur. Beyində serotonin və dopamin maddələrinin ifrazatı nəticəsində pasiyentin stres halının tamamən ortadan qaldırılması və hətta depressiya və yuxusuzluq kimi patolojik vəziyyətlərin müalicəsi də mümkündür.
Amerikalı alimlər bu cihazın təsirini ciddi şəkildə araşdırıblar və nəticələri Academy of General Dentistry məcmuəsində dərc ediblər. Bu nəticələrə görə pasiyetlərin 50%-dən çoxunda qorxu və stres halı tamamən yox olub, əksər hallarda isə əhəmiyyətli dərəcədə azalıb.
bu cihazan bakida var