İtaliyanın AGE Solutions S.r.l. şirkəti yeni stomatoloji skaneri təqdim edib. Maestro 3D Dental Scanner hər növ ortopedik və ortodontik konstruksiyaların planlaşdırılması və istehsal prosesinin sadələşdirilməsi və avtomatlaşdırılması üçün düşünülüb. Sistem avtomatik olaraq abatmentləri, qapaqları (koronkaları), plombları, körpüləri, antaqonistləri, inlays və onleyləri, wax-up, klamerlər v.s. elementləri tanıyır.
Müxtəlif CAD/CAM sistemləri ilə asanlıqla inteqrasiya oluna bilən Maestro 3D, 10 mikron kimi çox yüksək bir dəqiqliyə malikdir. Universal STL, PLY, OBJ, XYZ, PTS və VRML formatlarında 3D kompüter modelləri yaradılması və bu növ faylların müxtəlif proqramlarda istifadə olması bu sistemin ən böyük üstünlüklərindəndir. Maestro 3D inkişaf etmiş bir optik başlıq və avtomatlaşdırılmış hərəkət sistemi sayəsində, hər hansı bir müdaxiləyə ehtiyac olmadan, 2-3 dəqiqəyə və bir dəfəyə 8 modeli tam rəqəmləşdirməyə imkan verir.
Skaner Maestro 3D Easy Dental Scan, Maestro 3D Ortho Studio və Maestro 3D Dental CAD proqramları ilə təmin edilib. Ayrıca yeni proqramların hazırlanması və individuallaşdırılması üçün pulsuz Maestro 3D Dental Scan S.D.K. istehsalçı proqramı da təqdim olunub.
